കാ​ഠ്മ​ണ്ഡു: രാ​ജ്യ​ത്ത് അ​ല​യ​ടി​ച്ച ജെ​ൻ സി ​പ്ര​ക്ഷോ​ഭ​ത്തെ തു​ട​ർ​ന്ന് നേ​പ്പാ​ൾ പ്ര​ധാ​ന​മ​ന്ത്രി കെ.​പി. ശ​ർ​മാ ഓ​ലി രാ​ജി വ​ച്ചു.

സ​മൂ​ഹ​മാ​ധ്യ​മ​ങ്ങ​ൾ​ക്ക് വി​ല​ക്കേ​ർ​പ്പെ​ടു​ത്തി​യ​തി​നെ തു​ട​ർ​ന്ന് ര​ണ്ട് ദി​വ​സ​മാ​യി നേ​പ്പാ​ളി​ൽ തു​ട​രു​ന്ന പ്ര​തി​ഷേ​ധ​ങ്ങ​ളി​ൽ 19 പേ​ർ കൊ​ല്ല​പ്പെ​ടു​ക​യും നി​ര​വ​ധി പേ​ർ​ക്ക് പ​രി​ക്കേ​ൽ​ക്കു​ക​യും ചെ​യ്തി​രു​ന്നു. പ്ര​തി​ഷേ​ധ​ക്കാ​ർ പ്രസിഡന്‍റിന്‍റെയും പ്രധാനമന്ത്രിയുടെയും വസതിക്ക് തീ​യി​ട്ട​തി​ന് മ​ണി​ക്കൂ​റു​ക​ൾ​ക്ക് ശേ​ഷ​മാ​ണ് ഓ​ലി രാ​ജി പ്ര​ഖ്യാ​പി​ച്ച​ത്. പ്ര​തി​ഷേ​ധ​ക്കാ​രു​ടെ പ്ര​ധാ​ന ആ​വ​ശ്യ​മാ​യി​രു​ന്നു പ്ര​ധാ​ന​മ​ന്ത്രി ശ​ർ​മ ഓ​ലി​യു​ടെ രാ​ജി.

വാ​ട്സ്ആ​പ്പ്, ഫേ​സ്ബു​ക്ക് എ​ന്നി​വ​യു​ൾ​പ്പെ​ടെ 26 സ​മൂ​ഹ മാ​ധ്യ​മ വെ​ബ്സൈ​റ്റു​ക​ൾ​ക്ക് വ്യാ​ഴാ​ഴ്ച നേ​പ്പാ​ൾ സ​ർ​ക്കാ​ർ നി​രോ​ധ​ന​മേ​ർ​പ്പെ​ടു​ത്തി​യി​രു​ന്നു. വാ​ർ​ത്ത വി​ത​ര​ണ മ​ന്ത്രാ​ല​യ​ത്തി​ന് കീ​ഴി​ൽ സൈ​റ്റു​ക​ൾ ര​ജി​സ്റ്റ​ർ ചെ​യ്യ​ണ​മെ​ന്ന നി​ബ​ന്ധ​ന പാ​ലി​ക്കാ​ഞ്ഞ​തി​ന് പി​ന്നാ​ലെ​യാ​യി​രു​ന്നു ന​ട​പ​ടി.

ഇ​തോ​ടെ,ആ​യി​ര​ക്ക​ണ​ക്കി​ന് യു​വ​ജ​ന​ങ്ങ​ൾ തെ​രു​വി​ലി​റ​ങ്ങി. യൂ​ണി​ഫോം ധ​രി​ച്ച വി​ദ്യാ​ർ​ഥി​ക​ള​ട​ക്കം ആ​യി​ര​ങ്ങ​ൾ കാ​ഠ്മ​ണ്ഡു​വി​ലെ പാ​ർ​ല​മെ​ന്‍റ് മ​ന്ദി​ര​ത്തി​ലേ​ക്ക് ന​ട​ത്തി​യ പ്ര​തി​ഷേ​ധ മാ​ർ​ച്ച് അ​ക്ര​മാ​സ​ക്ത​മാ​വു​ക​യാ​യി​രു​ന്നു. ‘അ​ഴി​മ​തി​യാ​ണ് നി​ർ​ത്തേ​ണ്ട​ത് സ​മൂ​ഹ മാ​ധ്യ​മ​ങ്ങ​ള​ല്ല’ എ​ന്നി​ങ്ങ​നെ മു​ദ്രാ​വാ​ക്യ​ങ്ങ​ൾ എ​ഴു​തി​യ പ്ള​ക്കാ​ർ​ഡു​ക​ളു​മാ​യാ​യി​രു​ന്നു പ്ര​തി​ഷേ​ധം.

പ്ര​തി​ഷേ​ധ​ക്കാ​ർ പോ​ലീ​സ് ബാ​രി​ക്കേ​ഡ് ത​ക​ർ​ത്ത് പാ​ർ​ല​മെ​ന്‍റ് മ​ന്ദി​ര​ത്തി​ലേ​ക്ക് ക​ട​ക്കാ​ൻ ശ്ര​മി​ച്ച​തി​നെ​ത്തു​ട​ർ​ന്ന് പാ​ർ​ല​മെ​ന്‍റ് മ​ന്ദി​ര​ത്തി​ന് ചു​റ്റും അ​ധി​കൃ​ത​ർ ക​ർ​ഫ്യൂ ഏ​ർ​പ്പെ​ടു​ത്തി. ജ​ന​ക്കൂ​ട്ട​ത്തെ നി​യ​ന്ത്രി​ക്കാ​ൻ ജ​ല​പീ​ര​ങ്കി​യും റ​ബ്ബ​ർ ബു​ള്ള​റ്റു​മ​ട​ക്കം പ്ര​യോ​ഗി​ക്കു​ക​യാ​യി​രു​ന്നു.

സ​ർ​ക്കാ​ർ ന​ട​പ​ടി അ​ഭി​പ്രാ​യ സ്വാ​ത​ന്ത്ര്യം നി​യ​ന്ത്രി​ക്കാ​നും സെ​ൻ​സ​ർ​ഷി​പ് ഏ​ർ​പ്പെ​ടു​ത്താ​നു​മു​ള്ള നീ​ക്ക​മാ​ണെ​ന്നു വി​മ​ർ​ശി​ച്ചാ​ണു യു​വ​ജ​ന​ങ്ങ​ൾ രം​ഗ​ത്തി​റ​ങ്ങി​യ​ത്.

നി​രോ​ധ​നം പി​ൻ​വ​ലി​ക്കാ​നാ​വ​ശ്യ​പ്പെ​ട്ട് ‘ജെ​ൻ സി’ (​ജ​ന​റേ​ഷ​ൻ സെ​ഡ്) ബാ​ന​റു​മാ​യി പാ​ർ​ല​മെ​ന്‍റ് മ​ന്ദി​ര​ത്തി​നു മു​ന്നി​ൽ പ്ര​തി​ഷേ​ധി​ച്ച ചെ​റു​പ്പ​ക്കാ​ർ, സ​ർ​ക്കാ​ർ​വി​രു​ദ്ധ മു​ദ്രാ​വാ​ക്യ​മു​യ​ർ​ത്തി​യി​രു​ന്നു. പ്ര​ക്ഷോ​ഭ​ത്തി​നി​ടെ യു​വാ​ക്ക​ൾ കൊ​ല്ല​പ്പെ​ട്ട​തി​ന്‍റെ ഉ​ത്ത​ര​വാ​ദി​ത്തം ഏ​റ്റെ​ടു​ത്ത് ആ​ഭ്യ​ന്ത​ര മ​ന്ത്രി ര​മേ​ഷ് ലേ​ഖ​ക് രാ​ജി വ​ച്ചി​രു​ന്നു.

ഓ​ൺ​ലൈ​ൻ ത​ട്ടി​പ്പും ക​ള്ള​പ്പ​ണം വെ​ളു​പ്പി​ക്ക​ലും വ​ർ​ദ്ധി​ച്ച​താ​യി ചൂ​ണ്ടി​ക്കാ​ട്ടി ജൂ​ലൈ​യി​ൽ നേ​പ്പാ​ൾ സ​ർ​ക്കാ​ർ ടെ​ലി​ഗ്രാ​മി​ന് വി​ല​ക്കേ​ർ​പ്പെ​ടു​ത്തി​യി​രു​ന്നു. നി​യ​ന്ത്ര​ണ​ങ്ങ​ൾ അം​ഗീ​ക​രി​ച്ച​തോ​ടെ ക​ഴി​ഞ്ഞ വ​ർ​ഷം ഓ​ഗ​സ്റ്റി​ൽ ടി​ക് ടോ​ക്കി​ന് ഏ​ർ​പ്പെ​ടു​ത്തി​യി​രു​ന്ന ഒ​മ്പ​ത് മാ​സ​ത്തെ വി​ല​ക്ക് സ​ർ​ക്കാ​ർ നീ​ക്കി​യി​രു​ന്നു.

എ​ന്നാ​ൽ, മെ​റ്റ​യും എ​ക്സും ഗൂ​ഗി​ളു​മ​ട​ക്കം ക​മ്പ​നി​ക​ളു​ടെ കീ​ഴി​ലു​ള്ള സ​മൂ​ഹ​മാ​ധ്യ​മ​ങ്ങ​ൾ നേ​പ്പാ​ൾ സ​ർ​ക്കാ​രി​ന്‍റെ നി​ർ​ദേ​ശം ത​ള്ളി തു​ട​രു​ക​യാ​യി​രു​ന്നു. ഇ​താ​ണ് സ​മ്പൂ​ർ​ണ വി​ല​ക്കി​ൽ ക​ലാ​ശി​ച്ച​ത്.

Tags :