പ്ര​ത്യേ​കി​ച്ച് കാ​ര​ണ​മൊ​ന്നു​മി​ല്ലാ​തെ പൊ​ടു​ന്ന​നെ സം​ഭ​വി​ക്കു​ന്ന, ഏ​താ​നും മി​നി​റ്റു​മാ​ത്രം നീ​ണ്ടു​നി​ൽ​ക്കു​ന്ന തീ​വ്ര​മാ​യ ഉ​ത്ക​ണ്ഠ​യാ​ണ് ‘പാ​നി​ക് അ​റ്റാ​ക്ക്'. താ​ഴെ​പ്പ​റ​യു​ന്ന ല​ക്ഷ​ണ​ങ്ങ​ളി​ൽ നാ​ലെ​ണ്ണ​മെ​ങ്കി​ലും ഇ​വ​ർ പ്ര​ദ​ർ​ശി​പ്പി​ക്കാ​ൻ സാ​ധ്യ​ത​യു​ണ്ട്.

അ​മി​ത​മാ​യ നെ​ഞ്ചി​ടി​പ്പ്, നെ​ഞ്ചു​വേ​ദ​ന​യോ നെ​ഞ്ചി​ന്‍റെ ഭാ​ഗ​ത്ത് അ​സ്വ​സ്ഥ​ത​യോ, ശ​രീ​രം വി​യ​ർ​ത്തൊ​ലി​ക്കു​ന്ന അ​വ​സ്ഥ, ശ്വാ​സം​മു​ട്ട​ൽ, കൈ​കാ​ലു​ക​ൾ വി​റ​യ്ക്കു​ക, വി​ര​ലു​ക​ളു​ടെ അ​റ്റം ത​ണു​ത്ത് മ​ര​വി​ക്കു​ക, വ​യ​റ്റി​ൽ തീ​വ്ര​മാ​യ എ​രി​ച്ചി​ൽ, ത​ല​ചു​റ്റ​ൽ, ത​ല​യ്ക്ക് മ​ന്ദ​ത, ക​ണ്ണി​ൽ ഇ​രു​ട്ടു​ക​യ​റു​ന്ന അ​വ​സ്ഥ, തൊ​ണ്ട​യി​ൽ​നി​ന്ന് വെ​ള്ള​മി​റ​ക്കാ​ൻ ബു​ദ്ധി​മു​ട്ട്, മ​ന​സി​ന്‍റെ സ​മ​നി​ല തെ​റ്റി​പ്പോ​കു​മെ​ന്ന​ത​ര​ത്തി​ലു​ള്ള വെ​പ്രാ​ളം.

സാ​ധാ​ര​ണ​ഗ​തി​യി​ൽ 10 മു​ത​ൽ 15 മി​നി​റ്റ് നേ​രം മാ​ത്ര​മേ ഈ ​പ്ര​യാ​സം നീ​ണ്ടു​നി​ൽ​ക്കാ​റു​ള്ളൂ. അ​തു​ക​ഴി​ഞ്ഞ് സ്വാ​ഭാ​വി​ക​മാ​യി ഇ​തി​ന്‍റെ തീ​വ്ര​ത കു​റ​ഞ്ഞു​വ​ന്ന് ഇ​ത് അ​വ​സാ​നി​ക്കും. എ​ന്നാ​ൽ, ഈ ​അ​വ​സ്ഥ​യു​ടെ ല​ക്ഷ​ണ​ങ്ങ​ൾ പ​ല​തും ഹൃ​ദ​യാ​ഘാ​ത​ത്തി​ന്‍റെ ല​ക്ഷ​ണ​ങ്ങ​ൾ​ക്ക് സ​മാ​ന​മാ​യ​തു​കൊ​ണ്ടു​ത​ന്നെ ഇ​ത് അ​നു​ഭ​വ​പ്പെ​ടു​ന്ന ആ​ളു​ക​ൾ വ​ല്ലാ​തെ ഭ​യ​പ്പെ​ട്ടു​പോ​കും.

ഒ​രു​മാ​സ​ക്കാ​ല​മെ​ങ്കി​ലും തു​ട​ർ​ച്ച​യാ​യി പാ​നി​ക് അ​റ്റാ​ക്ക് ആ​വ​ർ​ത്തി​ച്ചു​വ​രു​ന്ന അ​വ​സ്ഥ​യെ​യാ​ണ് ‘പാ​നി​ക് ഡി​സോ​ഡ​ർ’ എ​ന്നു വി​ശേ​ഷി​പ്പി​ക്കു​ന്ന​ത്. സ​മൂ​ഹ​ത്തി​ൽ ഏ​ക​ദേ​ശം മൂ​ന്നു ശ​ത​മാ​ന​ത്തോ​ളം ആ​ളു​ക​ൾ​ക്ക് പാ​നി​ക് ഡി​സോ​ഡ​ർ ഉ​ണ്ടെ​ന്ന് ക​ണ​ക്കു​ക​ൾ സൂ​ചി​പ്പി​ക്കു​ന്നു.

പു​രു​ഷ​ന്മാ​രെ അ​പേ​ക്ഷി​ച്ച് സ്ത്രീ​ക​ളി​ൽ ഇ​ത് കൂ​ടു​ത​ലാ​യി ക​ണ്ടു​വ​രു​ന്നു​മു​ണ്ട്. പാ​ര​മ്പ​ര്യ​മാ​യി ഉ​ത്ക​ണ്ഠ​രോ​ഗ​ങ്ങ​ളു​ള്ള കു​ടും​ബ​ങ്ങ​ളി​ൽ ജ​നി​ക്കു​ന്ന വ്യ​ക്തി​ക​ളി​ൽ പാ​നി​ക് ഡി​സോ​ഡ​ർ കൂ​ടു​ത​ലാ​യി ക​ണ്ടു​വ​രാ​റു​ണ്ട്.

ചെ​റു​പ്രാ​യ​ത്തി​ൽ വ​ള​രെ തീ​വ്ര​മാ​യ സ​മ്മ​ർ​ദ​സാ​ഹ​ച​ര്യ​ങ്ങ​ളി​ലൂ​ടെ ക​ട​ന്നു​പോ​കു​ന്ന വ്യ​ക്തി​ക​ളി​ലും ഇ​തു കൂ​ടു​ത​ലാ​യി ക​ണ്ടു​വ​രാ​റു​ണ്ട്. പാ​നി​ക് ഡി​സോ​ഡ​റു​ള്ള വ്യ​ക്തി​ക​ളു​ടെ ത​ല​ച്ചോ​റി​ൽ സെ​റ​ട്ടോ​ണി​ൻ, നോ​ർ എ​പ്പി നെ​ഫ്രി​ൻ, ഗാ​ബാ, എ​ന്നീ രാ​സ​വ​സ്തു​ക്ക​ളു​ടെ അ​ള​വ് കു​റ​വാ​ണെ​ന്ന് ചി​ല പ​ഠ​ന​ങ്ങ​ൾ തെ​ളി​യി​ച്ചി​ട്ടു​ണ്ട്.

കാ​പ്പി കൂ​ടു​ത​ലാ​യി കു​ടി​ക്കു​ന്ന​വ​രി​ലും പു​ക​വ​ലി​ശീ​ലം ഉ​ള്ള​വ​രി​ലും ഈ ​രോ​ഗം കൂ​ടു​ത​ലാ​യി ക​ണ്ടു​വ​രാ​റു​ണ്ട്. ഉ​റ​ക്ക​ക്കു​റ​വ്, സ​മീ​പ​കാ​ല​ത്തു​ണ്ടാ​യ വേ​ദ​നാ​ജ​ന​ക​മാ​യ ജി​വി​താ​നു​ഭ​വ​ങ്ങ​ൾ എ​ന്നി​വ​യും ഈ ​അ​വ​സ്ഥ​യി​ലേ​ക്ക് വ​ഴി​തെ​ളി​ക്കാം.

പ​രി​ഹാ​രം എ​ങ്ങ​നെ?

മ​രു​ന്നു​ക​ളും മ​ന​ശാ​സ്ത്ര​ചി​കി​ത്സ​ക​ളും റി​ലാ​ക്സേ​ഷ​ൻ വ്യാ​യാ​മ​ങ്ങ​ളും സം​യോ​ജി​പ്പി​ച്ച് ഉ​പ​യോ​ഗി​ച്ചാ​ൽ പാ​നി​ക് ഡി​സോ​ർ​ഡ​ർ പൂ​ർ​ണ​മാ​യും ചി​കി​ത്സി​ച്ച് ഭേ​ദ​പ്പെ​ടു​ത്താ​ൻ സാ​ധി​ക്കും. ത​ല​ച്ചോ​റി​ൽ ക്ര​മം​തെ​റ്റി​ക്കു​ന്ന രാ​സ​വ​സ്തു​ക്ക​ളു​ടെ അ​ള​വ് ക്ര​മീ​ക​രി​ക്കാ​ൻ സ​ഹാ​യി​ക്കു​ന്ന സു​ര​ക്ഷി​ത​മാ​യ മ​രു​ന്നു​ക​ൾ ഇ​ന്ന് നി​ല​വി​ലു​ണ്ട്.

വ​യോ​ജ​ന​ങ്ങ​ളി​ൽ​പ്പോ​ലും സു​ര​ക്ഷി​ക​മാ​യി ഉ​പ​യോ​ഗി​ക്കാ​വു​ന്ന ഇ​ത്ത​രം മ​രു​ന്നു​ക​ൾ വ​ള​രെ​വേ​ഗം രോ​ഗ​ല​ക്ഷ​ണ​ങ്ങ​ൾ പ​രി​ഹ​രി​ക്കും. മ​രു​ന്നു​ക​ളോ​ടൊ​പ്പം ചി​ന്താ​വൈ​ക​ല്യ​ങ്ങ​ൾ പ​രി​ഹ​രി​ക്കാ​ൻ സ​ഹാ​യി​ക്കു​ന്ന കോ​ഗ്നി​റ്റീ​വ് ബി​ഹേ​വി​യ​ർ തെ​റാ​പ്പി ഏ​റെ ഫ​ല​പ്ര​ദ​മാ​യ ഒ​രു മ​നഃ​ശാ​സ്ത്ര​ചി​കി​ത്സാ​രീ​തി​യാ​ണ്.

പ്രോ​ഗ്ര​സീ​വ് മ​സി​ൽ റി​ലാ​ക്സേ​ഷ​ൻ, ദീ​ർ​ഘ​ശ്വ​സ​ന​വ്യാ​യാ​മ​ങ്ങ​ൾ തു​ട​ങ്ങി​യ റി​ലാ​ക്സേ​ഷ​ൻ രീ​തി​ക​ളും ഇ​വ​രി​ൽ ഏ​റെ ഫ​ല​പ്ര​ദ​മാ​ണ്. ചാ​യ​യും കാ​പ്പി​യും കു​ടി​ക്കു​ന്ന​ത് ഒ​ഴി​വാ​ക്കു​ക, ധാ​രാ​ളം വെ​ള്ളം കു​ടി​ക്കു​ക, ചി​ട്ട​യാ​യ വ്യാ​യാ​മം ശീ​ല​മാ​ക്കു​ക, മ​ദ്യ​പാ​നം, പു​ക​വ​ലി തു​ട​ങ്ങി​യ ശീ​ല​ങ്ങ​ൾ ഒ​ഴി​വാ​ക്കു​ക എ​ന്നി​വ​യും പാ​നി​ക് ഡി​സോ​ർ​ഡ​ർ പൂ​ർ​ണ​മാ​യും ഭേ​ദ​പ്പെ​ടാ​ൻ സ​ഹാ​യി​ക്കു​ന്ന മാ​ർ​ഗ​ങ്ങ​ളാ​ണ്.

ചി​കി​ത്സ​യെ​ടു​ക്കാ​ത്ത പാ​നി​ക് ഡി​സോ​ർ​ഡ​ർ പ​ല​പ്പോ​ഴും വി​ഷാ​ദ​രോ​ഗം, മ​ദ്യ​പാ​ന​ശീ​ലം, ല​ഹ​രി അ​ടി​മ​ത്തം തു​ട​ങ്ങി​യ വി​ഷ​യ​ങ്ങ​ളി​ലേ​ക്ക് ന​യി​ക്കാം. ഇ​ത് പ​രി​ഹാ​ര​മി​ല്ലാ​ത്ത ഏ​തോ മാ​റാ​രോ​ഗ​മാ​ണെ​ന്ന് തെ​റ്റി​ദ്ധ​രി​ച്ചു വി​ഷ​മി​ക്കു​ന്ന ധാ​രാ​ളം ആ​ളു​ക​ൾ സ​മൂ​ഹ​ത്തി​ലു​ണ്ട്.

വി​ദ​ഗ്ധ​നാ​യ ഒ​രു മാ​ന​സി​കാ​രോ​ഗ്യ ചി​കി​ത്സ​ക​ന്‍റെ സ​ഹാ​യ​ത്തോ​ടെ ഈ ​അ​ന​സ്ഥ പൂ​ർ​ണ​മാ​യും ഭേ​ദ​പ്പെ​ടു​ത്താ​ൻ ക​ഴി​യും.

ഫാ​സ്റ്റ് ഫു​ഡ് തീ​രെ ഒ​ഴി​വാ​ക്കാ​നാ​വി​ല്ല. അ​പ്പോ​ൾ അ​തി​നെ ആ​രോ​ഗ്യ​ജീ​വി​ത​ത്തി​നു സ​ഹാ​യ​ക​മാ​യ രീ​തി​യി​ൽ മാ​റ്റി​യെ​ടു​ക്ക​ണം. പു​റ​ത്തു നി​ന്നു വാ​ങ്ങു​ന്ന മി​ക്ക ഫാ​സ്റ്റ് ഫു​ഡ് വി​ഭ​വ​ങ്ങ​ളും വീ​ട്ടി​ൽ​ത്ത​ന്നെ ത​യാ​റാ​ക്കാ​നാ​കും എ​ന്ന​താ​ണു വാ​സ്ത​വം.

ചീ​സ് ഒ​ഴി​വാ​ക്കി പി​സ

പി​സ ആ​രോ​ഗ്യ​ക​ര​മാ​യ രീ​തി​യി​ൽ വീ​ട്ടി​ൽ ത​യാ​റാ​ക്കാ​നാ​കും. പി​സ​ബേ​സ് വാ​ങ്ങി അ​തി​ൽ പ​ച്ച​ക്ക​റി​ക​ളും വേ​വി​ച്ച ചി​ക്ക​നും ചേ​ർ​ത്ത് ന​മു​ക്കു ത​ന്നെ ത​യാ​റാ​ക്കാം. കൊ​ഴു​പ്പു കു​റ​യ്ക്കാ​ൻ പി​സ​യി​ൽ ചീ​സ് ഒ​ഴി​വാ​ക്കാം.

സ്കൂ​ൾ കു​ട്ടി​ക​ൾ​ക്ക്...

ഇ​ട​നേ​ര​ങ്ങ​ളി​ൽ ക​ഴി​ക്കാ​ൻ ഫാ​സ്റ്റ് ഫു​ഡ് വാ​ങ്ങി കു​ട്ടി​ക​ൾ​ക്കു സ്കൂ​ളി​ൽ കൊ​ടു​ത്ത​യ​യ്ക്കു​ന്ന ശീ​ലം മാ​താ​പി​താ​ക്ക​ൾ ഉ​പേ​ക്ഷി​ക്ക​ണം. ഇ​ത്ത​രം ഭ​ക്ഷ​ണ​ത്തി​ൽ നി​ന്നു പോ​ഷ​ക​ങ്ങ​ൾ കി​ട്ടു​ന്നി​ല്ല.

ഇ​ട​ഭ​ക്ഷ​ണം കൊ​ഴു​പ്പു​കൂ​ടി​യ​വ​യാ​യ​തി​നാ​ൽ പോ​ഷ​ക​സ​മൃ​ദ്ധ​മാ​യ ഉ​ച്ച​ഭ​ക്ഷ​ണം ശ​രി​ക്കു ക​ഴി​ക്കാ​നു​മാ​വി​ല്ല.

ഇ​ട​നേ​ര​ങ്ങ​ളി​ൽ ന​ട്സ്...

ഇ​ട​നേ​ര​ങ്ങ​ളി​ൽ ക​ഴി​ക്കാ​ൻ അ​നു​യോ​ജ്യം ന​ട്സ് ആ​ണ്. ഏ​തു​ത​രം ന​ട്സ് ആ​ണെ​ങ്കി​ലും അ​തി​ൽ പ്രോ​ട്ടീ​ന്‍റെ അ​ള​വു കൂ​ടു​ത​ലാ​ണ്. ശ​രീ​ര​ത്തി​നാ​വ​ശ്യ​മാ​യ മൈ​ക്രോ ന്യൂ​ട്രി​യ​ന്‍റ്സ് എ​ല്ലാ​മു​ണ്ട്.

ബ്ര​ഡ് സാ​ൻ​ഡ് വി​ച്ച്

മ​ല്ലി​യി​ല, പു​തി​ന​യി​ല മു​ത​ലാ​യ​വ കൊ​ണ്ടു ത​യാ​റാ​ക്കി​യ ച​ട്നി ഉ​പ​യോ​ഗി​ച്ചു പ​ച്ച​ക്ക​റി​ക​ൾ നി​റ​ച്ച ബ്ര​ഡ് സാ​ൻ​ഡ് വി​ച്ച് കൊ​ടു​ത്ത​യ​യ്ക്കാം. ഏ​ത്ത​പ്പ​ഴ​മോ മ​റ്റു പ​ഴ​ങ്ങ​ളോ കൊ​ടു​ത്ത​യ​യ്ക്കാം.

പ​ഴ​ങ്ങ​ൾ, സ്വാ​ഭാ​വി​ക പ​ഴ​ച്ചാ​റു​ക​ൾ

പ​ഴ​ങ്ങ​ളും സ്വാ​ഭാ​വി​ക പ​ഴ​ച്ചാ​റു​ക​ളും കൊ​ടു​ത്ത​യ​യ്ക്കാം. എ​ണ്ണ​യി​ൽ വ​റു​ത്ത വി​ഭ​വ​ങ്ങ​ൾ പ​തി​വാ​ക്ക​രു​ത്. ത​ടി കൂ​ട്ടും.

ഉ​രു​ള​ക്കി​ഴ​ങ്ങ് ഫ്രൈ ​പ​തി​വാ​ക്ക​രു​ത്

വ​റു​ത്ത സാ​ധ​ന​ങ്ങ​ൾ, കേ​ക്ക്, പ​ഫ്സ്, ഏ​ത്ത​യ്ക്ക ചി​പ്സ് എ​ന്നി​വ​യും ഇ​ട​നേ​ര​ങ്ങ​ളി​ൽ ക​ഴി​ക്കാ​ൻ കു​ട്ടി​ക​ൾ​ക്കു പ​തി​വാ​യി കൊ​ടു​ത്ത​യ​യ്ക്ക​രു​ത്. ഫാ​സ്റ്റ് ഫു​ഡെ​ന്നോ ജ​ങ്ക് ഫു​ഡ് എ​ന്നോ വി​ശേ​ഷി​പ്പി​ക്കാ​വു​ന്ന ഇ​ത്ത​രം ബേ​ക്ക​റി വി​ഭ​വ​ങ്ങ​ളി​ൽ ശ​രീ​ര​ത്തി​നാ​വ​ശ്യ​മാ​യ പോ​ഷ​ക​ങ്ങ​ൾ ഇ​ല്ല.

ഉ​രു​ള​ക്കി​ഴ​ങ്ങ് ഫ്രൈ, ​മെ​ഴു​ക്കു​പു​ര​ട്ടി എ​ന്നി​വ​യും പ​തി​വാ​യി ക​ഴി​ക്ക​രു​ത്. ഉ​രു​ള​ക്കി​ഴ​ങ്ങ് ചേ​ർ​ത്ത ഫാ​സ്റ്റ് ഫു​ഡും പ​തി​വാ​ക്ക​രു​ത്.

സു​ര​ക്ഷി​ത​മാ​വ​ണം ഭ​ക്ഷ​ണം

വീ​ട്ടി​ൽ ത​യാ​റാ​ക്കാ​ൻ ക​ഴി​യാ​ത്ത സ​ന്ദ​ർ​ഭ​ങ്ങ​ളി​ൽ പു​റ​ത്തു നി​ന്നു ഭ​ക്ഷ​ണം വാ​ങ്ങു​ന്ന​തു സ്വാ​ഭാ​വി​കം. പ​ക്ഷേ, അ​ത്ത​രം ഭ​ക്ഷ​ണം സു​ര​ക്ഷി​ത​മാ​ണെ​ന്ന് ഉ​റ​പ്പാ​ക്ക​ണം.

വി​വ​ര​ങ്ങ​ൾ​ക്കു ക​ട​പ്പാ​ട്: ഡോ. ​അ​നി​ത​മോ​ഹ​ൻ
ക്ലി​നി​ക്ക​ൽ ന്യു​ട്രീ​ഷ​നി​സ്റ്റ് & ഡ​യ​റ്റ് ക​ണ്‍​സ​ൾ​ട്ടന്‍റ്

രോഗപ്രതിരോധശക്തി മെച്ചപ്പെടുത്തു ന്നതിനു മഞ്ഞൾ ഫലപ്രദം. മ​ഞ്ഞ​ളി​ല​ട​ങ്ങി​യി​രി​ക്കു​ന്ന കു​ർ​ക്യൂ​മി​ൻ എന്ന ആന്‍റി ഓക്സി ഡന്‍റാണ് ഗുണങ്ങൾക്കു പിന്നിൽ. നാ​രു​ക​ൾ, വി​റ്റാ​മി​ൻ സി, ​ബി6, മാം​ഗ​നീ​സ്, ഇ​രു​ന്പ്, ഒ​മേ​ഗ 3 ഫാ​റ്റി ആ​സി​ഡ് തു​ട​ങ്ങി​യ പോ​ഷ​ക​ങ്ങളും മ​ഞ്ഞ​ളി​ലുണ്ട്.

മ​ഞ്ഞ​ൾ ചേ​ർ​ത്ത ക​റി​ക​ൾ ആ​രോ​ഗ്യ​പ്ര​ദം. വി​വി​ധ ​ത​രം കാ​ൻ​സ​റു​ക​ൾക്കെ​തി​രേ പോരാ ടാൻ മ​ഞ്ഞ​ൾ സ​ഹാ​യക മെന്നു ഗവേഷകർ. ഇതു സംബന്ധിച്ചു ഗവേഷണ ങ്ങൾ തുടരുന്നു. മ​ഞ്ഞ​ൾ ആ​ന്‍റി സെ​പ്റ്റി​ക്കാ​ണ്. മു​റി​വു​ക​ൾ, പൊ​ള്ള​ലു​ക​ൾ എ​ന്നി​വ​യെ സു​ഖ​പ്പെ​ടു​ത്താ​ൻ മ​ഞ്ഞ​ളി​നു ക​ഴി​വു​ണ്ട്.

ച​ർമത്തിന്‍റെ അഴകിന്

ച​ർ​മ​ത്തി​ലെ മു​റി​വു​ക​ൾ, പാ​ടു​ക​ൾ എ​ന്നി​വ മാ​റാ​ൻ മഞ്ഞൾ സഹായകം. മു​റി​വു​ക​ൾ ഉ​ണ​ക്കു​ന്ന​തി​നും ന​ഷ്ട​പ്പെ​ട്ട ച​ർ​മ​ത്തി​നു പ​ക​രം പു​തി​യ ച​ർ​മം രൂ​പ​പ്പെ​ടു​ന്ന​തി​നും മ​ഞ്ഞ​ൾ ഗു​ണ​പ്ര​ദം. ചർമരോ​ഗ​ങ്ങ​ളെ ചെ​റു​ക്കാ​ൻ മ​ഞ്ഞ​ൾ ഫ​ല​പ്ര​ദം.

മ​ഞ്ഞ​ളും തൈ​രും ചേ​ർ​ത്തു പു​ര​ട്ടി അ​ഞ്ചു​മി​നി​ട്ടി​നു ശേ​ഷം തു​ട​ച്ചു​ക​ള​യു​ക. അ​തു തു​ട​ർ​ച്ച​യാ​യി ചെ​യ്താ​ൽ ച​ർ​മ​ത്തി​ന്‍റെ ഇ​ലാ​സ്തി​ക സ്വ​ഭാ​വം നി​ല​നി​ല്ക്കും, സ്ട്ര​ച്ച് മാ​ർ​ക്കു​ക​ൾ മാ​യും.

വി​ള​ർ​ച്ച കുറയ്ക്കുന്നു

മ​ഞ്ഞ​ൾ​പ്പൊ​ടി തേ​നി​ൽ ചേ​ർ​ത്തു ക​ഴി​ച്ചാ​ൽ വി​ള​ർ​ച്ച മാ​റും. മ​ഞ്ഞ​ളി​ൽ ഇ​രു​ന്പ് ധാ​രാ​ളം. ക​ര​ളി​ൽ അ​ടി​ഞ്ഞു​കൂ​ടു​ന്ന മാ​ലി​ന്യ​ങ്ങ​ളെ നീ​ക്കുന്നതിനും മ​ഞ്ഞ​ൾ സ​ഹാ​യ​കം.

വി​ഷാ​ദം കു​റ​യ്ക്കു​ന്ന​തി​ന്

മാ​ന​സി​ക​പി​രി​മു​റു​ക്ക​വും വി​ഷാ​ദ​വും അ​ക​റ്റു​ന്ന​തി​നും മ​ഞ്ഞ​ൾ ഫ​ല​പ്ര​ദ​മെ​ന്നു ഗവേ ഷകർ. ഡി​പ്ര​ഷ​ൻ ലക്ഷണങ്ങൾ കുറയ്ക്കു ന്നതിനു മഞ്ഞൾ ഫലപ്രദമെന്നു പഠനങ്ങളുണ്ട്.

നീരും വേദനയും കുറയ്ക്കുന്നു

കൊ​ഴു​പ്പ് അ​ടി​ഞ്ഞു​കൂ​ടാ​തി​രി​ക്കാ​നും ശ​രീ​ര​ഭാ​രം നി​യ​ന്ത്രി​ച്ചു നി​ർ​ത്താ​നും മ​ഞ്ഞ​ൾ സ​ഹാ​യ​കം. സ​ന്ധി​വാ​തം, റു​മാ​റ്റോ​യ്ഡ് ആ​ർ​ത്രൈ​റ്റി​സ്, മ​ൾ​ട്ടി​പ്പി​ൾ സ്ക്ലീ​റോ​സി​സ് എ​ന്നി​വ​യു​ടെ ചി​കി​ത്സ​യ്ക്കും മ​ഞ്ഞ​ൾ ഗു​ണ​പ്ര​ദ​മാ​ണെ​ന്നു ഗവേഷകർ. നീ​രും വേ​ദ​ന​യും കു​റ​യ്ക്കാ​ൻ മ​ഞ്ഞ​ൾ ഫ​ല​പ്ര​ദം.

കൃ​മി​ക​ടി​ക്കു പ​രി​ഹാ​രം

കൃ​മി​ക​ടി മാ​റാ​ൻ മ​ഞ്ഞ​ൾ പ​ല​പ്ര​ദ​മെ​ന്ന​തു നാ​ട്ട​റി​വ്. കു​ട​ലി​ലെ പു​ഴു​ക്ക​ൾ, കൃ​മി എ​ന്നി​വ​യെ ന​ശി​പ്പി​ക്കാ​ൻ മ​ഞ്ഞ​ൾ ഫ​ല​പ്ര​ദം. തി​ള​പ്പി​ച്ചാ​റി​ച്ച വെ​ള്ള​ത്തി​ൽ മ​ഞ്ഞ​ൾ​പ്പൊ​ടി ക​ല​ക്കി​ക്കു​ടി​ച്ചാ​ൽ കൃ​മി​ശ​ല്യം കു​റ​യും.

എ​ല്ലു​ക​ളു​ടെ ക​രു​ത്തി​ന്

മ​ഞ്ഞ​ൾ എ​ല്ലു​ക​ൾ​ക്കു ക​രു​ത്തു പ​ക​രു​ന്നു. ഓ​സ്റ്റി​യോ പൊ​റോ​സി​സ് എ​ന്ന എ​ല്ലു​രോ​ഗം ത​ട​യു​ന്നു. ഹൃ​ദ​യാ​രോ​ഗ്യ​ത്തി​നും മ​ഞ്ഞ​ൾ ഗു​ണപ്രദം.

നാട്ടുമ​ഞ്ഞ​ൾ പൊ​ടി​പ്പിച്ച് ഉപയോഗിക്കാം

നാ​ട്ടി​ൻ​പു​റ​ത്തെ വീ​ടു​ക​ളി​ൽ പ​ച്ച​മ​ഞ്ഞ​ൾ പു​ഴു​ങ്ങി​യു​ണ​ക്കി സൂ​ക്ഷി​ക്കു​മാ​യി​രു​ന്നു. ഇ​ന്ന് എ​ല്ലാം പൊ​ടി​രൂ​പ​ത്തി​ൽ പാ​യ്ക്ക​റ്റി​ൽ വി​പ​ണി​യി​ൽ സു​ല​ഭം. ഇ​ത്ത​രം റെഡിമെയ്ഡ് പൊ​ടി​ക​ളി​ൽ മാ​യം ക​ല​ർ​ന്നി​ട്ടി​ല്ലെ​ന്ന് ഉ​റ​പ്പു​വ​രു​ത്തേ​ണ്ട​തു​ണ്ട്.

വാ​ങ്ങു​ന്ന​വ​രും വി​ല്ക്കു​ന്ന​വ​രും അ​ധി​കൃ​ത​രും ഇ​ക്കാ​ര്യ​ത്തി​ൽ ജാ​ഗ്ര​ത പു​ല​ർ​ത്ത​ണം. നാ​ട​ൻമ​ഞ്ഞ​ൾ വാ​ങ്ങി ക​ഴു​കി യുണ​ക്കി പൊ​ടി​പ്പി​ച്ച​ത് ഉ​പ​യോ​ഗി​ക്കു​ന്ന​താ​ണ് ആരോഗ്യകരം.

ഗ​ർ​ഭി​ണി​ക​ളി​ൽ തി​ക​ച്ചും അ​പ്ര​തീ​ക്ഷ​മാ​യി​ട്ടാ​വും ര​ക്ത​സ്രാ​വം തു​ട​ങ്ങു​ന്ന​ത്. വീ​ട്ടി​ല്‍ നി​ന്ന് ആ​ശു​പ​ത്രി​യി​ല്‍ എ​ത്തി​ക്കു​മ്പോ​ഴേ​ക്കും ര​ക്ത​മെ​ല്ലാം വാ​ര്‍​ന്നൊ​ഴു​കി അ​മ്മ​യു​ടെ ജീ​വ​നു​ത​ന്നെ അ​പ​ക​ടം സം​ഭ​വി​ക്കാം.

പ്ര​സ​വ​വേ​ദ​ന തു​ട​ങ്ങി​യാ​ല്‍, കു​ഞ്ഞി​ന്‍റെ ഹൃ​ദ​യ​മി​ടു​പ്പി​നു പ്ര​ശ്‌​ന​ങ്ങ​ളു​ണ്ടാ​കാ​ന്‍ സാ​ധ്യ​ത​യു​ണ്ട്. പ്ര​സ​വം നീ​ണ്ടു​പോ​യാ​ല്‍ കു​ഞ്ഞി​ന്‍റെ ത​ല​യി​ലേ​ക്കു​ള്ള ര​ക്ത​യോ​ട്ട​ത്തി​ന് കു​റ​വു​വ​ന്ന് ബു​ദ്ധി​മാ​ന്ദ്യം സം​ഭ​വി​ക്കാം.

ഇ​ത് യ​ഥാ​സ​മ​യം ക​ണ്ടു​പി​ടി​ച്ച് ഉ​ട​ന​ടി പ​രി​ഹാ​രം നി​ര്‍​ദേ​ശി​ക്കാ​ന്‍ ഈ ​ശാ​സ്ത്രം അ​റി​യു​ന്ന​വ​രും, അ​തി​നു​വേ​ണ്ട ഉ​പ​ക​ര​ണ​ങ്ങ​ളും ഉ​ണ്ടാ​വ​ണം.

അ​പ​ക​ട​ങ്ങ​ളു​ണ്ട്

കേ​ര​ള​ത്തി​ലെ ആ​രോ​ഗ്യ പ്ര​വ​ര്‍​ത്ത​ക​രു​ടെ കൂ​ട്ടാ​യ പ​രി​ശ്ര​മ​ത്താ​ലാ​ണ് മാ​തൃ-​ന​വ​ജാ​ത​ശി​ശു മ​ര​ണ​നി​ര​ക്ക് വ​ള​രെ​യ​ധി​കം കു​റ​യ്ക്കാ​ന്‍ സാ​ധി​ക്കു​ന്ന​ത്. ഇ​ത്ത​ര​ത്തി​ലൊ​ക്കെ ആ​രോ​ഗ്യ പ്ര​വ​ര്‍​ത്ത​ക​രു​ടെ​യും സ​ര്‍​ക്കാ​രി​ന്‍റെ​യും ഭാ​ഗ​ത്തു​നി​ന്നു മി​ക​ച്ച രീ​തി​യി​ലു​ള്ള പ്ര​വ​ര്‍​ത്ത​നം ന​ട​ക്കു​മ്പോ​ള്‍ അ​തി​നു വി​പ​രീ​ത​മാ​യി​ട്ടാ​ണ് അ​നാ​രോ​ഗ്യ​പ​ര​മാ​യി വീ​ടു​ക​ളി​ല്‍ പ്ര​സ​വം ന​ട​ത്തു​ന്ന​ത്.

ഇ​ത്ത​ര​ത്തി​ലു​ള്ള അ​ശാ​സ്ത്രീ​യ രീ​തി​ക​ളി​ല്‍ ഒ​ളി​ഞ്ഞി​രി​ക്കു​ന്ന അ​പ​ക​ട​ങ്ങ​ള്‍ മ​ന​സി​ലാ​ക്കാ​തെ പ്ര​വ​ര്‍​ത്തി​ക്കു​ക​യാ​ണെ​ങ്കി​ല്‍ ജീ​വ​നു ത​ന്നെ ഭീ​ഷ​ണി​യാ​കും എ​ന്നു മ​ന​സി​ലാ
ക്കു​ക.

പ്ര​സ​വം അ​ത്ര ല​ളി​ത​മ​ല്ല

പ്ര​സ​വം വ​ള​രെ ല​ളി​ത​മാ​ണെ​ന്ന് ന​മ്മ​ള്‍ വി​ചാ​രി​ക്കു​ന്ന​തി​ലാ​ണു തെ​റ്റ്. പ്ര​സ​വ​ങ്ങ​ള്‍ സു​ര​ക്ഷി​ത​മാ​യി ന​ട​ക്കു​ക​യും അ​മ്മ​യും കു​ഞ്ഞു​ങ്ങ​ളും ആ​രോ​ഗ്യ​ത്തോ​ടെ ഇ​രി​ക്കു​ക​യും ചെ​യ്യു​ന്നു​ണ്ടെ​ങ്കി​ല്‍ അ​ത് പ്ര​സ​വ​ങ്ങ​ള്‍ ആ​ശു​പ​ത്രി​യി​ല്‍ ന​ട​ക്കു​ന്ന​തു​കൊ​ണ്ട് മാ​ത്ര​മാ​ണ്.

പ്ര​സ​വം എ​ന്ന​ത് ഏ​തു​സ​മ​യ​ത്തും പ്ര​ശ്ന​ങ്ങ​ള്‍ ഉ​ണ്ടാ​കാ​വു​ന്ന ഒ​രു പ്ര​ക്രി​യ​യാ​ണ്. യ​ഥാ​സ​മ​യം അ​ത് വേ​ണ്ട​പോ​ലെ നേ​രി​ടാ​നു​ള്ള സം​വി​ധാ​ന​മി​ല്ലെ​ങ്കി​ല്‍ അ​മ്മ​യെ​യോ കു​ഞ്ഞി​നെ​യോ ര​ണ്ടു പേ​രെ​യു​മോ ന​മു​ക്ക് ന​ഷ്ട​പ്പെ​ടാം.

വീ​ട്ടി​ല്‍ പ്ര​സ​വി​ക്കു​ന്ന മാ​ര്‍​ഗം തി​ര​ഞ്ഞെ​ടു​ക്കു​ന്ന​തു വ​ഴി ഈ ​അ​പ​ക​ട​മാ​ണ് നാം ​വി​ളി​ച്ചു​വ​രു​ത്തു​ന്ന​ത്. അ​തു മ​ന​സി​ലാ​ക്കി ബു​ദ്ധി​പൂ​ര്‍​വം, ഗ​ര്‍​ഭി​ണി​ക​ള്‍ വീ​ട്ടി​ല്‍ പ്ര​സ​വി​ക്കു​ന്ന രീ​തി​യി​ല്‍ നി​ന്ന് പി​ന്‍​തി​രി​യ​ണം. പു​റ​കി​ലേ​ക്ക​ല്ലാ, മു​മ്പി​ലേ​ക്കാ​ണു നാം ​ന​ട​ക്കേ​ണ്ട​ത്.

വി​വ​ര​ങ്ങ​ൾ​ക്കു ക​ട​പ്പാ​ട്: ഡോ. ​ലക്ഷ്മി അമ്മാൾ
ക​ൺ​സ​ൾ​ട്ടന്‍റ് ഗൈനക്കോളജിസ്റ്റ് എസ് യുറ്റി ഹോ​സ്പി​റ്റ​ൽ പ​ട്ടം, തി​രു​വ​ന​ന്ത​പു​രം

ചികിത്സാരീതി

കാ​ൻ​സ​റിന്‍റെ ഘ​ട്ടം, ബാ​ധി​ച്ച അ​വ​യ​വം, മൊ​ത്ത​ത്തി​ലു​ള്ള രോ​ഗി​യു​ടെ ആ​രോ​ഗ്യ​സ്ഥി​തി ഉ​ൾ​പ്പെ​ടെ​യു​ള്ള വി​വി​ധ ഘ​ട​ക​ങ്ങ​ളെ ആ​ശ്ര​യി​ച്ചാണ് ഹെ​ഡ് ആ​ൻ​ഡ് നെ​ക്ക് കാൻ​സ​റിന്‍റെ ചി​കി​ത്സാരീ​തി. ശ​സ്ത്ര​ക്രി​യ, കീ​മോ​തെ​റാ​പ്പി, റേ​ഡി​യോ തെ​റാ​പ്പി, ടാർഗെറ്റഡ് തെ​റാ​പ്പി എ​ന്നി​വ വി​വി​ധ ചി​കി​ത്സാ​രീ​തി​ക​ളി​ൽ ഉ​ൾ​പ്പെ​ടു​ന്നു.

ശസ്ത്രക്രിയ,കീമോ തെറാപ്പി

ശ​സ്ത്ര​ക്രി​യ പ​ല​പ്പോ​ഴും പ്രാ​ഥ​മി​ക ചി​കി​ത്സാ ഉ​പാ​ധി​യാ​ണ്. ടൂ​മ​ർ റി​സെ​ക്ഷ​ൻ, ക​ഴല വി​ച്ഛേ​ദി​ക്ക​ൽ, പു​ന​ർനി​ർ​മാ​ണ ന​ട​പ​ടി​ക്ര​മ​ങ്ങ​ൾ എ​ന്നി​വ ചി​കി​ത്സ​യി​ൽ ഉ​ൾ​പ്പെ​ട്ടേ​ക്കാം. കീ​മോ തെ​റാ​പ്പി​യും റേ​ഡി​യോ​തെ​റാ​പ്പി​യും ഒ​റ്റ​യ്ക്കോ സം​യോ​ജി​ത​മാ​യോ മു​ഴ​ക​ൾ ചു​രു​ക്കു​ന്ന​തി​നും കാൻ​സ​ർ കോ​ശ​ങ്ങ​ളെ ഇ​ല്ലാ​താ​ക്കു​ന്ന​തി​നും ഉ​പ​യോ​ഗി​ക്കാം.

ഇമ്യൂ​ണോ തെ​റാ​പ്പി​, ടാ​ർ​ഗ​റ്റ് തെ​റാ​പ്പി

കാ​ൻ​സ​ർ കോ​ശ​ങ്ങ​ൾ​ക്കെ​തി​രേ ശ​രീ​ര​ത്തി​ന്‍റെ പ്ര​തി​രോ​ധ പ്ര​തി​ക​ര​ണം വ​ർ​ധി​പ്പി​ക്കു​ന്ന​തി​നോ അ​ല്ലെ​ങ്കി​ൽ പ്ര​ത്യേ​ക ത​ന്മാ​ത്ര വൈ​ക​ല്യ​ങ്ങ​ൾ ല​ക്ഷ്യ​മിട്ടോ ഉള്ള ചി​കി​ത്സാ ഓ​പ്ഷ​നു​ക​ളാ​ണ് ഇമ്യൂ​ണോ തെ​റാ​പ്പി​യും ടാ​ർ​ഗ​റ്റ് തെ​റാ​പ്പി​യും.

പുനരധിവാസം

ഇ​വ​ർ​ക്കാ​യു​ള്ള പു​ന​ര​ധി​വാ​സ പ്ര​ക്രി​യ​യി​ൽ ഫി​സി​യോ തെ​റാപ്പി​സ്റ്റ്, സ്പീ​ച്ച് തെ​റാപ്പി​സ്റ്റ്, ഡെന്‍റിസ്റ്റിക്കൽ, ഡ​യ​റ്റി​ഷ​ൻ, യോ​ഗ ട്രെ​യി​ന​ർ​മാ​ർ, സൈ​ക്കോ​ള​ജി​സ്റ്റ് എ​ന്നി​വ​ർ ഉ​ൾ​പ്പെ​ടു​ന്ന ഒ​രു ടീം ​ആ​ണു വേ​ണ്ട​ത്. വീ​ട്ടു​കാ​ർ നല്കുന്ന പി​ന്തു​ണ ഏ​റെ പ്ര​ധാ​നമാ​ണ്. രോ​ഗം ചി​കി​ത്സി​ക്കു​ന്നതുപോ​ലെ ത​ന്നെ പ്ര​ധാ​ന​മാ​ണ് അ​തു ക​ഴി​ഞ്ഞു​ള്ള ഇ​ത്ത​രം സാ​ഹ​ച​ര്യ​ങ്ങ​ൾ പ​രി​ഹ​രി​ക്കു​ന്ന​തും.

രോഗപ്രതിരോധം

ഹെ​ഡ് ആ​ൻ​ഡ് നെ​ക്ക് കാ​ൻ​സ​ർ പ്ര​തി​രോ​ധ​ത്തി​ൽ ഏ​റ്റ​വും പ്ര​ധാ​നം പു​ക​വ​ലി ഉ​പേ​ക്ഷി​ക്കു​ന്ന​തും മ​ദ്യ​പാ​നം ഒ​ഴി​വാ​ക്കു​ന്ന​തുമാണ്. കൂ​ടാ​തെ സൂ​ര്യാ​ഘാ​ത​ത്തി​ൽ നി​ന്ന് ഒ​ഴി​വാ​കു​ന്ന രീ​തി​യി​ൽ വ​സ്ത്ര​ങ്ങ​ൾ ധ​രി​ക്കു​ക, സ​ൺ​സ്ക്രീ​ൻ ഉ​പ​യോ​ഗി​ക്കു​ക തു​ട​ങ്ങി​യ​വ ജീ​വി​ത​ത്തി​ന്‍റെ ഭാ​ഗ​മാ​ക്കു​ക.

എ​ച്ച്പി​വിവാ​ക്സി​നേ​ഷ​ൻ

എ​ച്ച്പി​വിക്ക് ​എ​തി​രാ​യ വാ​ക്സി​നേ​ഷ​ൻ, പ്ര​ത്യേ​കി​ച്ച് കൗ​മാ​ര​ക്കാ​രിൽ... ഫ​ല​പ്ര​ദ​മാ​യപ്ര​തി​രോ​ധ ന​ട​പ​ടി​യാ​ണ്.പ​തി​വു ദ​ന്തപ​രി​ശോ​ധ​ന​ക​ൾ, സ്വ​യം പ​രി​ശോ​ധ​ന​ക​ൾ, സാ​ധ്യ​ത​യു​ള്ള ല​ക്ഷ​ണ​ങ്ങ​ളെക്കു​റി​ച്ചു​ള്ള അ​വ​ബോ​ധം എ​ന്നി​വ ഹെ​ഡ് ആ​ൻ​ഡ് നെ​ക്ക് കാൻ​സ​ർ നേ​ര​ത്തെ ക​ണ്ടെ​ത്തു​ന്ന​തി​നു സ​ഹാ​യി​ക്കും.

നി​ങ്ങ​ള്‍ സ്ഥി​ര​മാ​യി കാ​പ്പി കു​ടി​ക്കു​ന്ന​വ​രാ​ണോ...? സ്ഥി​ര​മാ​യി കാ​പ്പി കു​ടി​ക്കു​ന്ന പു​രു​ഷ​ന്മാ​ര്‍​ക്ക് സ​ന്തോ​ഷ വാ​ര്‍​ത്ത, നി​ങ്ങ​ളു​ടെ ലൈം​ഗി​ക ശേ​ഷി​ക്ക് ഇ​ത് ഉ​ത്തേ​ജ​നം പ​ക​രം... കാ​പ്പി പ്രേ​മി​ക​ളാ​യ പു​രു​ഷ​ന്മാ​ര്‍​ക്ക് സ​ന്തോ​ഷി​ക്കാ​ന്‍ ഇ​തി​ല്‍​പ്പ​രം എ​ന്തു​വേ​ണം...

കാ​പ്പി കു​ടി​ക്കു​ന്ന പു​രു​ഷ​ന്മാ​ര്‍​ക്ക് ലൈം​ഗി​ക ക​രു​ത്ത് വ​ര്‍​ധി​ക്കാ​റു​ണ്ടെ​ന്നു പ​ഠ​ന​ങ്ങ​ള്‍ തെ​ളി​യി​ച്ചി​ട്ടു​ണ്ട്. കാ​പ്പി കു​ടി​ക്കു​ന്ന​തി​ന്‍റെ അ​ള​വ് വ​ര്‍​ധി​പ്പി​ക്കാ​ന്‍ ഇ​തി​ല്‍​പ്പ​രം എ​ന്തു​കാ​ര​ണം വേ​ണം? കാ​പ്പി​യും പു​രു​ഷ ലൈം​ഗി​ക​ത​യും ത​മ്മി​ല്‍ എ​ങ്ങ​നെ ഇ​ഴ​ചേ​ര്‍​ന്നി​രി​ക്കു​ന്നു എ​ന്നു നോ​ക്കാം...

ഉ​ദ്ധാ​ര​ണ​ക്കു​റ​വി​നു പ​രി​ഹാ​രം

യൂ​ണി​വേ​ഴ്‌​സി​റ്റി ഓ​ഫ് ടെ​ക്‌​സ​സ് ഹെ​ല്‍​ത്ത് സ​യ​ന്‍​സ് സെ​ന്‍റ​ര്‍ ന​ട​ത്തി​യ ഒ​രു പ​ഠ​ന​ത്തി​ല്‍ കാ​പ്പി കു​ടി​ക്കു​ന്ന​വ​ര്‍​ക്ക് ഉ​ദ്ധാ​ര​ണ​ക്കു​റ​വ് അ​നു​ഭ​വ​പ്പെ​ടാ​നു​ള്ള സാ​ധ്യ​ത കു​റ​വാ​ണെ​ന്ന് ക​ണ്ടെ​ത്തി​യി​ട്ടു​ണ്ട്. എ​ന്നാ​ല്‍, കാ​പ്പി​യി​ല്‍ മ​ധു​ര​മി​ട്ട് കു​ടി​ച്ചാ​ല്‍ പ്ര​മേ​ഹം ഉ​ണ്ടാ​കും എ​ന്ന​തു മ​റ്റൊ​രു പ്ര​ശ്‌​ന​മാ​ണ്.

അ​തു​കൊ​ണ്ട് കാ​പ്പി ക​ഴി​ക്കു​മ്പോ​ള്‍ പ​ര​മാ​വ​ധി മ​ധു​ര​വും പെ​യ്സ്റ്റു​ക​ളും ഇ​ല്ലാ​തെ വേ​ണം എ​ന്ന​തും മ​റ​ക്ക​രു​ത്. പ്ര​തി​ദി​നം 2 മു​ത​ല്‍ 3 ക​പ്പ് വ​രെ കാ​പ്പി കു​ടി​ച്ച ആ​ളു​ക​ള്‍​ക്ക് ഉ​ദ്ധാ​ര​ണ​ക്കു​റ​വ് വ​ള​രെ വി​ര​ള​മാ​ണെ​ന്നാ​ണ് പ​ഠ​ന​ങ്ങ​ളി​ല്‍ ക​ണ്ടെ​ത്തി​യ​ത്.

രാ​വി​ലെ കാ​പ്പി കു​ടി​ക്കു​ന്ന​ത് നി​ങ്ങ​ള്‍​ക്ക് ക​ഫീ​ന്‍ പ​രി​ഹാ​രം ന​ല്‍​കു​ക മാ​ത്ര​മ​ല്ല, നി​ങ്ങ​ള്‍​ക്ക് ആ​ന്‍റി​ഓ​ക്‌​സി​ഡ​ന്‍റു​ക​ളും ല​ഭി​ക്കും. ആ​ന്‍റി​ഓ​ക്‌​സി​ഡ​ന്‍റു​ക​ള്‍ ര​ക്ത​യോ​ട്ടം മെ​ച്ച​പ്പെ​ടു​ത്തും. ഇ​ത് ഉ​ദ്ധാ​ര​ണ​ക്കു​റ​വി​ന്‍റെ കാ​ര്യ​ത്തി​ല്‍ ഒ​രു പ്ര​ധാ​ന പ​രി​ഹാ​ര മാ​ര്‍​ഗ​മാ​ണ്.

സ്റ്റാ​മി​ന വ​ര്‍​ധി​പ്പി​ക്കു​ന്നു

ബെ​ഡ്‌​റൂ​മി​ല്‍ മി​ക​ച്ച പ്ര​ക​ട​നം കാ​ഴ്ച​വ​യ്ക്ക​ണ​മെ​ങ്കി​ല്‍ സ്റ്റാ​മി​ന ആ​വ​ശ്യ​മാ​ണ്. മ​റ്റെ​ല്ലാ വ്യാ​യാ​മ​ങ്ങ​ളെ​യും പോ​ലെ ക​ലോ​റി ക​ത്തി​ക്കു​ന്ന​തി​ല്‍ നി​ര്‍​ണാ​യ​ക സ്വാ​ധീ​നം ലൈം​ഗി​ക​ത​യ്ക്കും ഉ​ണ്ട്. അ​താ​യ​ത് ന​ല്ല സ്റ്റാ​മി​ന​യു​ണ്ടെ​ങ്കി​ല്‍ ന​ല്ല​രീ​തി​യി​ല്‍ ലൈം​ഗി​ക​ത ആ​സ്വ​ദി​ക്കാം.

കാ​പ്പി​യി​ല്‍ അ​ട​ങ്ങി​യി​രി​ക്കു​ന്ന ക​ഫീ​ന്‍ പു​രു​ഷ​ന്മാ​രി​ല്‍ സ്റ്റാ​മി​ന വ​ര്‍​ധി​പ്പി​ക്കും. ഒ​പ്പം ക്ഷീ​ണം കു​റ​യ്ക്കാ​നും സ​ഹാ​യി​ക്കും. ക​ഫീ​ന്‍റെ സ്റ്റാ​മി​ന ബൂ​സ്റ്റിം​ഗ് കാ​യി​ക താ​ര​ങ്ങ​ള്‍ കൃ​ത്യ​മാ​യി ഉ​പ​യോ​ഗി​ക്കാ​റു​ണ്ട്. 75 ശ​ത​മാ​നം കാ​യി​ക താ​ര​ങ്ങ​ളും മ​ത്സ​ര​ത്തി​നു തൊ​ട്ടു​മു​മ്പ് ക​ഫീ​ന്‍ ക​ഴി​ക്കാ​റു​ണ്ട്.

സ​മ്മ​ര്‍​ദ്ദം കു​റ​യ്ക്കും

കാ​പ്പി​യി​ലെ ക​ഫീ​ന് സ​മ്മ​ര്‍​ദ്ദം കു​റ​യ്ക്കാ​നു​ള്ള ക​ഴി​വു​ണ്ട്. പ്ര​ത്യേ​കി​ച്ച് കാ​പ്പി​യും സു​ഗ​ന്ധ​ത്തി​ന്. സ​മ്മ​ര്‍​ദ്ദം കു​റ​യു​മ്പോ​ള്‍ മെ​ച്ച​പ്പെ​ട്ട രീ​തി​യി​ല്‍ ലൈം​ഗി​ക​ത ആ​സ്വ​ദി​ക്കാ​ന്‍ സാ​ധി​ക്കും. സ​മ്മ​ര്‍​ദ്ദം, ഉ​ത്ക​ണ്ഠ, ക്ഷീ​ണം എ​ന്നി​വ ലി​ബി​ഡോ കു​റ​യു​ന്ന​തി​ലേ​ക്ക് ന​യി​ക്കു​ന്നു.

ഇ​ത് ലൈം​ഗി​ക പ​രാ​ജ​യ​ത്തി​നും ഉ​ദ്ധാ​ര​ണ​ക്കു​റ​വി​നും കാ​ര​ണ​മാ​കാ​റു​ണ്ട്. ദീ​ര്‍​ഘ​കാ​ല സ​മ്മ​ര്‍​ദ്ദം ടെ​സ്റ്റോ​സ്റ്റി​റോ​ണ്‍ അ​ള​വ് കു​റ​യു​ന്ന​തു​ള്‍​പ്പെ​ടെ ജൈ​വ​പ​ര​മാ​യ മാ​റ്റ​ങ്ങ​ള്‍​ക്കു കാ​ര​ണ​മാ​കും.

ലൈം​ഗി​ക ഹോ​ര്‍​മോ​ണാ​യ ടെ​സ്റ്റോ​സ്റ്റി​റോ​ണി​ന്‍റെ കു​റ​വ് താ​ല്‍​പ​ര്യം കു​റ​യ്ക്കു​ക​യും ഉ​ദ്ധാ​ര​ണ​ക്കു​റ​വി​ലേ​ക്ക് ന​യി​ക്കു​ക​യും ചെ​യ്യും. ഇ​തി​നെ​ല്ലാം പ​രി​ഹാ​ര​മാ​ര്‍​ഗ​മാ​ണ് ക​ഫീ​ന്‍.

ലൈം​ഗി​ക ആ​ഗ്ര​ഹം വ​ര്‍​ധി​പ്പി​ക്കും

കാ​പ്പി​യി​ലെ ക​ഫീ​ന്‍ ലൈം​ഗി​ക ആ​ഗ്ര​ഹം വ​ര്‍​ധി​പ്പി​ക്കു​മെ​ന്നു പ​ഠ​ന​ങ്ങ​ള്‍ തെ​ളി​യി​ച്ചി​ട്ടു​ണ്ട്. കാ​ര​ണം, ആ​ന്‍റി​ഓ​ക്‌​സി​ഡ​ന്‍റു​ക​ളാ​ല്‍ സ​മ്പ​ന്ന​മാ​യ ക​ഫീ​ന്‍ ഉ​ദ്ധാ​ര​ണ​ക്കു​റ​വ് പ​രി​ഹ​രി​ക്കും. അ​തോ​ടെ ലൈം​ഗി​ക ആ​ഗ്ര​ഹം ഓ​ട്ടോ​മാ​റ്റി​ക്കാ​യി ഉ​ണ​രും.

അ​തു​പോ​ലെ സ്റ്റാ​മി​ന വ​ര്‍​ധി​ക്കു​ന്ന​തോ​ടെ ലൈം​ഗി​ക​ത കൂ​ടു​ത​ല്‍ ആ​സ്വ​ദി​ക്കാ​നും സാ​ധി​ക്കും. കാ​പ്പി​യു​ടെ മ​ണം പോ​ലും സ​മ്മ​ര്‍​ദ്ദം കു​റ​യ്ക്കാ​ന്‍ സ​ഹാ​യി​ക്കു​ന്ന​താ​ണ്.