വ​ഞ്ച​നാ കേ​സി​ൽ ന​ട​ൻ നി​വി​ൻ പോ​ളി​ക്കും സം​വി​ധാ​യ​ക​ൻ എ​ബ്രി​ഡ് ഷൈ​നി​നും ആ​ശ്വാ​സം. ഇ​രു​വ​ർ​ക്കു​മെ​തി​രാ​യ കേ​സ് ഹൈ​ക്കോ​ട​തി സ്റ്റേ ​ചെ​യ്തു. ആ​ക്ഷ​ൻ ഹീ​റോ ബി​ജു 2 എ​ന്ന സി​നി​മ​യു​ടെ പേ​രി​ൽ ര​ണ്ടു കോ​ടി രൂ​പ ത​ട്ടി​യെ​ടു​ത്തെ​ന്നാ​ണ് കേ​സ്.

കോ​ട​തി​യു​ടെ പ​രി​ഗ​ണ​ന​യി​ലി​രി​ക്കു​ന്ന കേ​സാ​ണി​തെ​ന്നും എ​റ​ണാ​കു​ളം സ​ബ് കോ​ട​തി തീ​ര്‍​പ്പാ​ക്കു​ന്ന​തി​ന് മു​മ്പ് ത​ന്നെ ത​ല​യോ​ല​പ്പ​റ​മ്പ് പോ​ലീ​സ് അ​കാ​ര​ണ​മാ​യി കേ​സ് എ​ടു​ത്ത് മു​ന്നോ​ട്ട് പോ​കു​ക​യാ​ണെ​ന്നും നി​വി​ൻ പോ​ളി​യും എ​ബ്രി​ഡ് ഷൈ​നും വാ​ദി​ച്ചു. ഇ​തു​കൂ​ടി പ​രി​ഗ​ണി​ച്ചാ​ണ് ഹൈ​ക്കോ​ട​തി ഇ​പ്പോ​ൾ കേ​സ് അ​ന്വേ​ഷ​ണം സ്റ്റേ ​ചെ​യ്തി​രി​ക്കു​ന്ന​ത്.

നി​വി​ൻ പോ​ളി നാ​യ​ക​നാ​യ മ​ഹാ​വീ​ര്യ​ർ ചി​ത്ര​ത്തി​ന്‍റെ സ​ഹ​നി​ർ​മാ​താ​വ് വി.​എ​സ്. ഷം​നാ​സാ​ണ് ഇ​രു​വ​ർ​ക്കു​മെ​തി​രേ ത​ല​യോ​ല​പ്പ​റ​മ്പ് പോ​ലീ​സി​ൽ ന​ൽ​കി​യ​ത്. ക​ഴി​ഞ്ഞ​യാ​ഴ്ച പ്ര​തി​ക​ൾ​ക്കെ​തി​രെ നോ​ട്ടീ​സ് അ​യ​ച്ച് അ​വ​രെ ചോ​ദ്യം ചെ​യ്യു​മെ​ന്ന് പോ​ലീ​സ് അ​റി​യി​ച്ചി​രു​ന്നു. ഈ ​ഘ​ട്ട​ത്തി​ലാ​ണ് നി​വി​ൻ പോ​ളി​യും എ​ബ്രി​ഡ് ഷൈ​നും ഹൈ​ക്കോ​ട​തി​യെ സ​മീ​പി​ച്ച​ത്.

ത​ന്‍റെ കൈ​യി​ൽ​നി​ന്നു പ​ണം വാ​ങ്ങി​യ കാ​ര്യം മ​റ​ച്ചു​വ​ച്ച് ആ​ക്ഷ​ൻ ഹീ​റോ ബി​ജു 2വി​ന്‍റെ വി​ത​ര​ണാ​വ​കാ​ശം മ​റ്റൊ​രാ​ൾ​ക്ക് ന​ൽ​കി​യെ​ന്നാ​ണ് ഷം​നാ​സി​ന്‍റെ പ​രാ​തി. ജാ​മ്യ​മി​ല്ലാ വ​കു​പ്പ് 406, 420, 34 വ​കു​പ്പു​ക​ൾ ചു​മ​ത്തി​യാ​ണ് ത​ല​യോ​ല​പ്പ​റ​മ്പ് പോ​ലീ​സ് കേ​സെ​ടു​ത്ത​ത്.

മ​ഹാ​വീ​ര്യ​ർ സി​നി​മ​യു​ടെ പ​രാ​ജ​യ​ത്തെ തു​ട​ർ​ന്ന് നി​വി​ൻ പോ​ളി 95 ല​ക്ഷം രൂ​പ പി.​സി. ഷൈ​നി​ന് ന​ൽ​കാ​മെ​ന്നും എബ്രി​ഡ് ഷൈ​ൻ സം​വി​ധാ​നം ചെ​യ്യു​ന്ന ആ​ക്ഷ​ൻ ഹീ​റോ ബി​ജു2​വി​ന്‍റെ നി​ർ​മാ​ണ പ​ങ്കാ​ളി​ത്തം ന​ൽ​കാ​മെ​ന്നും ഉ​റ​പ്പ് ന​ല്‍​കി​യി​രു​ന്ന​താ​യാ​ണ് പ​രാ​തി.

തു​ട​ർ​ന്ന് 2024 ഏ​പ്രി​ൽ മാ​സ​ത്തി​ൽ സി​നി​മ നി​ർ​മാ​ണ​ത്തി​നാ​യി ഒ​രു കോ​ടി 90 ല​ക്ഷം ഷം​നാ​സ് കൈ​മാ​റു​ക​യും ചെ​യ്ത​താ​യി പ​റ​യു​ന്നു. പി​ന്നീ​ട് സി​നി​മ​യു​ടെ ടൈ​റ്റി​ൽ കേ​ര​ള ഫി​ലിം ചേം​ബ​ർ ഓ​ഫ് കൊ​മേ​ഴ്സി​ന് ക​ത്ത് ന​ൽ​കി​യ​തി​നു ശേ​ഷം എ​ബ്രി​ഡ് ഷൈ​ന്‍ പ്രൊ​ഡ​ക്ഷ​ൻ​സി​ന്‍റെ ബാ​ന​റി​ൽ നി​ന്നും ഷൈ​നി​ന്‍റെ മൂ​വി മേ​ക്കേ​ഴ്സ് ബാ​ന​റി​ലേ​ക്ക് മാ​റ്റു​ക​യും ചെ​യ്തു.

ഇ​തി​നി​ടെ സി​നി​മ​യു​ടെ ബ​ഡ്ജ​റ്റ് സം​ബ​ന്ധി​ച്ച് ഇ​രു​കൂ​ട്ട​രും ത​മ്മി​ൽ ഉ​ണ്ടാ​യ ത​ർ​ക്ക​ത്തെ തു​ട​ർ​ന്ന് ഷം​നാ​സി​നെ മ​റ​ച്ചു​വെ​ച്ചു​കൊ​ണ്ട് മു​ൻ ക​രാ​ർ കാ​ണി​ച്ച് ദു​ബാ​യി​ൽ പ്ര​വ​ർ​ത്തി​ക്കു​ന്ന മ​റ്റൊ​രു ക​മ്പ​നി​ക്ക് സി​നി​മ​യു​ടെ വി​ത​ര​ണ അ​വ​കാ​ശം കൈ​മാ​റി​യെ​ന്നു​മാ​ണ് പ​രാ​തി.

ദു​ബാ​യി ആ​സ്ഥാ​ന​മാ​ക്കി​യു​ള്ള ക​മ്പ​നി​യി​ൽ നി​ന്നും നി​വി​ൻ പോ​ളി​യു​ടെ നി​ർ​മാ​ണ ക​മ്പ​നി​യാ​യ പോ​ളി ജൂ​നി​യേ​ഴ്‌​സി​ന് അ​വ​കാ​ശ​മു​ണ്ടെ​ന്ന് തെ​റ്റി​ദ്ധ​രി​പ്പി​ച്ച് അ​ഞ്ചു കോ​ടി രൂ​പ​യു​ടെ വി​ത​ര​ണാ​വ​കാ​ശം ഉ​റ​പ്പി​ക്കു​ക​യും ര​ണ്ടു​കോ​ടി രൂ​പ അ​ഡ്വാ​ൻ​സാ​യി കൈ​പ്പ​റ്റു​ക​യും ചെ​യ്ത​താ​യും പ​രാ​തി​യി​ൽ പ​റ​യു​ന്നു.

Tags : nivin pauly abrid shine