ക​ണ്ണൂ​ര്‍: പ​രി​യാ​രം ശ്രീ​സ്ഥ​യി​ല്‍ ര​ണ്ട് മ​ക്ക​ളു​മാ​യി കി​ണ​റി​ല്‍ ചാ​ടി യു​വ​തി ജീ​വ​നൊ​ടു​ക്കാ​ന്‍ ശ്ര​മി​ച്ച സം​ഭ​വ​ത്തി​ല്‍ ചി​കി​ത്സ​യി​ലാ​യി​രു​ന്ന മൂ​ത്ത കു​ട്ടി മ​രി​ച്ചു. ധ​നേ​ഷ്-​ധ​ന​ജ ദ​മ്പ​തി​ക​ളു​ടെ മ​ക​ന്‍ ധ്യാ​ന്‍ കൃ​ഷ്ണ (ആ​റ്) ആ​ണ് മ​രി​ച്ച​ത്. പ​രി​യാ​ര​ത്തെ ക​ണ്ണൂ​ര്‍ ഗ​വ. മെ​ഡി​ക്ക​ല്‍ കോ​ള​ജി​ൽ ഇ​ന്നു പു​ല​ർ​ച്ചെ​യാ​യി​രു​ന്നു അ​ന്ത്യം. മൃ​ത​ദേ​ഹം പോ​സ്റ്റു​മോ​ര്‍​ട്ടം ന​ട​പ​ടി​ക​ള്‍​ക്കാ​യി ആ​ശു​പ​ത്രി മോ​ര്‍​ച്ച​റി​യി​ലേ​ക്ക് മാ​റ്റി.

ജൂ​ലൈ 25ന് ​ഉ​ച്ച​യ്ക്ക് 12 മ​ണി​യോ​ടെ​യാ​ണ് സം​ഭ​വം ന​ട​ന്ന​ത്. ഭ​ർ​ത്താ​വി​ന്‍റെ വീ​ട്ടു​കാ​രു​മാ​യി ഉ​ണ്ടാ​യ ത​ർ​ക്ക​ത്തെ തു​ട​ർ​ന്ന് യു​വ​തി കു​ട്ടി​ക​ളു​മാ​യി കി​ണ​റ്റി​ൽ ചാ​ടു​ക​യാ​യി​രു​ന്നു. നാ​ട്ടു​കാ​രും ഫ​യ​ർ​ഫോ​ഴ്സും ചേ​ർ​ന്നാ​ണ് മൂ​ന്നു പേ​രെ​യും കി​ണ​റ്റി​ൽ നി​ന്ന് പു​റ​ത്തെ​ടു​ത്ത​ത്. ധ​ന​ജ​യ്ക്കൊ​പ്പം നാ​ലു​വ​യ​സു​കാ​രി​യാ​യ മ​ക​ളും മെ​ഡി​ക്ക​ല്‍ കോ​ള​ജി​ല്‍ ചി​കി​ത്സ​യി​ലാ​ണ്.

യു​വ​തി​യു​ടെ ആ​ത്മ​ഹ​ത്യാ ശ്ര​മ​വു​മാ​യി ബ​ന്ധ​പ്പെ​ട്ട് ഭ​ര്‍​തൃ​മാ​താ​വ് ശ്യാ​മ​ള​യു​ടെ പേ​രി​ല്‍ പ​രി​യാ​രം പോ​ലീ​സ് ഗാ​ര്‍​ഹി​ക പീ​ഡ​ന​ത്തി​ന് കേ​സെ​ടു​ത്തി​രു​ന്നു. മാ​ന​സി​ക-​ശാ​രീ​രി​ക പീ​ഡ​ന​ങ്ങ​ള്‍​ക്ക് ഇ​ര​യാ​ക്കി എ​ന്ന ആ​രോ​പ​ണ​ത്തി​ലാ​ണ് ഭ​ര്‍​തൃ​മാ​താ​വി​നെ​തി​രേ കേ​സെ​ടു​ത്ത​ത്.